Kuch nahi mila — doosra shabd try karo, ya app ke andar 💬 Feedback daba ke poocho.
- App kaise install karun apne phone pe?
- Chrome mein /my.html kholo, apna naam-password daalo, phir Chrome menu → Add to Home Screen / Install app. RA Jobs ka icon ban jayega — full screen khulta hai, roz login nahi maangta, aur khud update hota hai. Play Store ki zaroorat nahi.
- Login kaise karun? Password bhool gaya toh?
- Apna khud ka naam aur password — kisi ka udhaar login kabhi nahi, kyunki har kaam naam ke saath record hota hai. Password bhool gaye toh Aashutosh ko bolo, reset ho jayega.
- Apna password change karna hai?
- Pehle app mein login karo, phir /password.html kholo — purana password daalo, naya chuno, ho gaya. Naya password sirf aapko pata hona chahiye — kisi ko batana nahi, WhatsApp pe bhi nahi.
- Mujhe koi job nahi dikh raha — khaali screen hai.
- "My jobs" mein sirf wo jobs dikhte hain jinpe aapka naam hai (production ya servicing). Naya ho ya abhi job assign nahi hua — "Whole floor" kholo, wahan sab dikhta hai. Job aapko milte hi aapki list mein khud aa jayega.
- My jobs, Whole floor, aur 📋 Lineup mein kya farak hai?
- My jobs = sirf aapke jobs. Whole floor = poore floor ke jobs — kaun kya kar raha hai, kya ⚠ not picked up hai; yahan se job kisi ko diya bhi ja sakta hai. 📋 Lineup = kal/aaj kaun kahan jayega — installation, maintenance, event, pickup sab. (Recce iska hissa nahi — recce ka apna alag board hai, Prakash ji ki team ke paas.)
- Job ka stage aage kaise badhaun?
- Card pe bada neela button dabao — bas. Har tap naam aur time ke saath record hota hai, isliye alag se kisi ko batana nahi padta.
- Galti se galat stage lag gaya.
- Job card kholo, ↩ Back dabao — ek stage peeche. Galti sudhaarna hamesha behtar hai galat stage dikhne se. Peeche jaana bhi record hota hai, wo theek hai — koi daant nahi padti.
- DONE karne pe photo kyun maangta hai?
- Kaam khatam = photo ke saath — dono ek saath jaate hain, taaki baad mein koi "hua tha ki nahi" ka jhagda na ho. Wahi photo billing ka proof bhi ban jaata hai. Abhi photo maanga jaata hai, rok nahi hai — yaani photo ke bina bhi DONE ho jaayega, par photo daalna hi sahi hai. Pilot ke baad photo zaroori kar diya jaayega, aur tab tak sabko bataa diya jaayega. 📷 dabane pe phone poochta hai — Camera ya Gallery: wahin khinch lo, ya pehle ki khinchi photo gallery se chun lo, dono chalta hai.
- Discussion kya hai? Kab use karun?
- Har job ke andar ek baat-cheet ka section — "client bola blue nahi navy", "material Monday aayega" — jo bhi us JOB se juda hai, wahan likho, WhatsApp pe nahi. Wahan likha hua hamesha job ke saath rahega, scroll mein kabhi nahi khoega, aur office ko turant dikhta hai.
- 📋 Lineup mein entry kaise daalun? Badalna ya cancel karna ho toh?
- + Naya entry → job code ya site ka naam, kaam ka type, time, team ke naam → Board pe daalo. Naam ya time badalna ho toh ✎ Edit dabao — cancel karne ki zaroorat nahi. Cancel karna ho toh ❌ Cancel karo — entry board pe kati hui dikhti rahegi (gayab nahi hoti), taaki subah koi galti se na chala jaye. Wapas chahiye toh ↩ Wapas daalo.
- 🔍 Recce kya hai? Lineup se alag kaise?
- The Lineup says who goes where tomorrow. A Recce is the full site file before design: open the location on the map, take photos (camera or gallery, with captions), write every size as W × H × D, and note anything the designer or installer must know — power point, wall condition, permissions, POC name & number. Mark it Done when the site is fully captured — office ko apne aap khabar milti hai. Recce Prakash ji ki team karti hai; office/desktop pe 🔍 Recce tab mein sab dossiers dikhte hain.
- Desktop wala page khola toh kuch aur hi khul gaya.
- Wo office ka page hai. Aapka page /my.html hai — floor login desktop pe daaloge toh system khud aapko aapke page pe le jayega. Sab kaam wahi se hota hai.
- Kya main rate ya paisa dekh sakta hun?
- Nahi — job mein paisa hota hi nahi. Estimates alag system hai jo sirf servicing/accounts ke paas hai. Aapke screen pe kabhi koi amount nahi aayega, na aane ka sawaal hai.
- Excel ka kya hua? Wahan entry karun?
- Nahi. Ab sab kuch is app mein hai — Excel padhne ke liye reh gaya hai, naya kuch usme nahi jaata. Jo app mein nahi hai, wo record mein nahi hai.
- Kuch samajh nahi aaya / kuch toota hua lagta hai.
- Upar 💬 Feedback dabao, ek line likho, Bhej do. Seedha Aashutosh tak jaata hai, aapke naam ke saath — aur zyada tar cheezein usi din theek ho jaati hain. Aapki feedback se hi yeh system banta hai.